«Газель» жаңа коммерциялық және коммуналдық техникасы

2025 жылғы 13 ақпанда Батыс Қазақстан облысының әкімшілік орталығында «Газель» автомобиль брендінің жаңа коммерциялық және коммуналдық техникасы көрсетілімі өтті.

Іс-шара Орал қаласы, Шолохов көшесі, 38 мекенжайы бойынша арнайы дайындалған алаңда өтті және мемлекеттік құрылымдар, билік органдары, көлік компаниялары, медициналық мекемелер және коммуналдық қызмет көрсету өкілдерінің назарын аударды. 

Көрмеге келушілерге жолаушылар тасымалына; дәрігерге дейінгі көмек көрсетуге, пациенттерді қарауға, оларды тасымалдауға арналған автомобильдер, сондай-ақ мамандандырылған коммуналдық техника көрсетілді. Ұсынылған модельдер арасында:

• Шектеулі кеңістіктер жағдайында және шағын қалалардың тар көшелерінде жұмыс істеуге арналған Газон NEXT құрамдастырылған жол машинасы;
• Кіру деңгейі төмен орташа кластағы экологиялық таза Citymax 9 CNG қалалық автобусы;
• Газель NN негізіндегі С класындағы жедел медициналық жәрдем автомобилі;
• Сыйымдылығы жоғары Газель City қаңқалы автобусы.

Көрсетілім шеңберінде қатысушылар минималды қызмет көрсету шығындарымен максималды өнімділікті қамтамасыз ететін заманауи модельдердің мүмкіндіктерін іс жүзінде көре алды.