Kazakhstan Machinery Fair 2024 көрмесі

2024 жылы 24-26 сәуір аралығында Астана қаласындағы «EXPO» Халықаралық Көрме орталығында машина жасау және металл өңдеу бойынша «Kazakhstan Machinery Fair» V-ші Халықаралық мамандандырылған көрмесі өтті.

Kazakhstan Machinery Fair - бұл Қазақстан мен Орталық Азиядағы машина жасау және металл өңдеу саласындағы басты оқиға болып табылатын бірегей халықаралық көрме. Іс-шара ең жаңа жабдықтарды өндірушілерді, жеткізушілерді және тұтынушыларды, машина жасау және металл өңдеу саласындағы жетекші компанияларды, мемлекеттік сектор өкілдерін және бейінді бизнес-қауымдастықтарды біріктіреді; сонымен қатар кәсіби қарым-қатынас пен келісім-шарт жасау үшін көптеген мүмкіндіктер жасайды.

Сала мамандары үшін көрме жетекші сарапшылардың қатысуымен және ең жаңа станоктардың, жабдықтардың, автомобильдер мен технологиялардың кең экспозициясымен ең өзекті іскерлік бағдарлама болып қала береді.

Көрменің экспозициясы 2023 жылмен салыстырғанда 23% - ға өсті және әсіресе көрсетілген экспонаттардың алуан түрлілігімен ерекшеленді. Биылғы жылы көрмеге әлемнің 18 елінен 213-тен астам компания қатысып, машина жасау және металл өңдеу, су индустриясы және химия өнеркәсібі саласындағы озық шешімдерді ұсынды.

Көрме бағдарламасы ағымдағы сын-қатерлерге бейімделді және саланы қолдау мен дамытуға бағытталған бірқатар негізгі іс-шараларды қамтыды. Іскерлік бағдарлама аясында:

• «Өнеркәсіптік кәсіпорындарға арналған заманауи лазерлік технологиялар» конференциясы;
• Дәнекерлеу технологиясы бойынша дөңгелек үстел «жаңа буын қауіпсіздікті таңдайды. Елдің өнеркәсіптік кәсіпорындарында дәнекерлеу және кесу саласындағы заманауи шешімдер»;
• Елді мекендерді сумен жабдықтау және су бұру жүйелерін дамытудың проблемалық мәселелері мен перспективалары жөніндегі республикалық кеңес;
• Машина жасау саласы үшін кадрлар даярлау мәселелері бойынша дөңгелек үстел.

Компанияның стендінде «EXPO» ХКО павильонында Газель автомобильдерінің коммерциялық көлігі ұсынылды:

- «Газель e-NN» электрлік фургоны;
- «Газель NEXT» жеті орындық толық металл фургоны.

Көше экспозициясында:
- «Валдай NEXT» эвакуаторы ұсынылды;

- Daewoo SKYWELL автобусы.

Сондай-ақ, көрме экспозициясы алаңдарында «Вираж» компаниялар тобы «DongFeng» базасында бүйірден түсіретін самосвал платформасын, аралас жол машинасын және борттық автокөлікті ұсынды.